沈祖堯甘肅起橋

【明報專訊】今年係中文大學50周年金禧校慶，無止橋慈善基金同中大合作，安排中大師生，聯同北京大學、西安交通大學、美國史丹福大學及英國牛津大學等合共70名師生義工，4月28日至5月8日去甘肅省隴南市黨政村，為村民建一座行人便橋，解決當地村民過河困難。


呢條橋命名為「香港中文大學金禧無止橋」，中大校長沈祖堯當然有幫手。除咗建橋，來自唔同學系嘅同學發揮專長，籌劃多個民生項目，包括建造紀念涼亭，為村民舉辦一系列普及教育活動，內容包括法律常識、健康飲食同垃圾處理等。團隊更發動學生同村民一齊進行全村清潔運動，回收並清理村內堆積垃圾。