史泰祖填平泳池種番薯

【明報專訊】皮膚科專家史泰祖醫生一向注重儀表，佢同Emily講食番薯可以抗衰老嘅美容心得，仲話自己每個禮拜食幾餐炒番薯葉。食番薯可以美容？Emily半信半疑，史醫生話係營養師講佢知番薯嘅營養價值最高，維他命ABC都有，番薯含豐富維他命A，胡蘿蔔素仲多過紅蘿蔔，抗氧化功效好高，估計未來最受人注意嘅營養食物就係番薯。


估計未來番薯最受注目

幾年前史醫生喺上水買咗幾幅農地，同埋一幢連泳池但係幾殘舊嘅別墅。佢翻新舊屋時連泳池都翻新埋，但因為被投訴別墅霸佔幾千呎官地，最後佢索性填平咗泳池，家用嚟種番薯，每周有幾餐佢就炒番薯葉送飯抗衰老。