新聞類別
財經
詳情#
【明報專訊】如果有人話，收藏郵票唔單止滿足閒情逸致，仲可以令你每年穩袋10厘回報，你信唔信呢？小琴噚日識咗個叫Stanley Gibbons嘅英國郵票世家，聽佢個投資總監Marco Kaster（圖左）講，只要你有足夠資金同埋眼光，郵票投資就真係可以「筍」過股票。
投資級別郵票稀有 僅佔0.1％
世上郵票成千上萬，不過Marco話，真正算係投資級別嘅郵票只佔0.1%，全世界最貴嘅珍藏郵票，盛惠600萬英鎊（約7000萬港元）！正所謂「物以罕為貴」，Marco教落，想發達就要揀年份夠久遠嘅Queen Victoria郵票來買，但如果係伊莉莎白二世做主角嘅英國郵票，或者1949年打後先發行嘅中國貨，買來都冇意思，因為這兩類郵票市面甚多供應。
彭博有個G250指數，可追蹤英國價值1萬英鎊以上郵票嘅最新價格。過去10年，呢個指數平均每年有成13.9%升幅，就算08年金融海嘯，啲稀有郵票仲逆市升值32.7%，怪不知得被Marco稱之為「零風險」。Marco就解釋，稀有郵票年年都齋升唔跌，一來因為富豪極少會劈價轉手，二來因為好多人唔識得「照顧」郵票，搞到啲保存得當嘅珍貴郵票愈來愈少。不過，呢項投資多少都算「有錢人嘅遊戲」，Stanley Gibbons招攬新客，都要以1萬英鎊（約12萬港元）做門檻，仲通常會建議啲客買夠5至6張郵票、做一個大概60萬元嘅投資組合。唔知有幾多人會咁捨得呢？
email: [email protected]
投資級別郵票稀有 僅佔0.1％
世上郵票成千上萬，不過Marco話，真正算係投資級別嘅郵票只佔0.1%，全世界最貴嘅珍藏郵票，盛惠600萬英鎊（約7000萬港元）！正所謂「物以罕為貴」，Marco教落，想發達就要揀年份夠久遠嘅Queen Victoria郵票來買，但如果係伊莉莎白二世做主角嘅英國郵票，或者1949年打後先發行嘅中國貨，買來都冇意思，因為這兩類郵票市面甚多供應。
彭博有個G250指數，可追蹤英國價值1萬英鎊以上郵票嘅最新價格。過去10年，呢個指數平均每年有成13.9%升幅，就算08年金融海嘯，啲稀有郵票仲逆市升值32.7%，怪不知得被Marco稱之為「零風險」。Marco就解釋，稀有郵票年年都齋升唔跌，一來因為富豪極少會劈價轉手，二來因為好多人唔識得「照顧」郵票，搞到啲保存得當嘅珍貴郵票愈來愈少。不過，呢項投資多少都算「有錢人嘅遊戲」，Stanley Gibbons招攬新客，都要以1萬英鎊（約12萬港元）做門檻，仲通常會建議啲客買夠5至6張郵票、做一個大概60萬元嘅投資組合。唔知有幾多人會咁捨得呢？
email: [email protected]
留言 (0)
