佔中三子扮政改三人組

【明報專訊】政改三人組嘅「有商有量 實現普選」電視片宣傳片被人惡搞，估唔到玩嘢嘅係佔中三子！朱耀明、戴耀廷同陳健民搵咗幾乎與政改三人組短片一樣嘅場景，設計相似嘅惡搞對白，臨尾仲將政務司長林鄭月娥成日喊嘅口號「一齊講、一齊聽，有商有量」，變成「一齊傾、一齊佔，有你有我，實現真普選！」

「時機日漸成熟」、「目標非常清晰」、「大家嘅普選，一齊去實現」，朱牧、陳健民及戴耀廷，分別扮演政改三人組嘅譚志源、袁國強同林鄭月娥角色，講差唔多嘅對白，最後仲走埋去政府總部取景，製作認真，話「全力爭取2017年普選行政長官嘅……和平佔中，開始咗嘞」。想比較政府同佔中短片，讀者可以喺政府政改網頁同埋佔中facebook搵到。