港大關注組暫無行動 等埋李國章？

【明報專訊】香港大學校委會主席一職懸空咗接近一個半月，早排有唔同報道引述消息話，政府或者會喺年底前委任校委李國章接任，但實際日期就眾說紛紜。身兼港大校友關注組召集人嘅教育界立法會議員葉建源，噚日同傳媒茶敘嘅時候就話，關注組因為未知委任主席一事會幾時公布，所以對於下一步行動仍然未有定案，例如究竟會唔會舉行集會或者遊行等，都要到時候再決定。


葉建源話，其實年尾時段好多校友都去咗外國，加上學生老師又放緊假，如果特首梁振英選擇喺呢個時候委任人選，做法係「好肉酸」。


另外，港大學生會會長馮敬恩早排話會就校委會否決陳文敏副校任命提出司法覆核，但葉建源話關注組暫時未有呢個打算。