【馮仁昭四圍超】小肥開騷拒露肉

【蘋果日報】小肥（右）同李兆偉噚日到商台接受訪問，下個月11號會出新碟兼喺澳門開演唱會嘅小肥，表示宣傳完新碟，就會埋首為演唱會準備同健身，佢強調冇打算騷肌，只係想狀態更好。
阿偉負責音樂部份，佢指今次小肥會唱新歌同經典歌，所以編排上要花心思，小肥話：「依家好擔心，有幾首新歌我之前一唱就喊，監製專登編埋一齊，我諗緊點去唱。」
撰文：馮仁昭