新聞類別
娛樂
詳情#
【蘋果日報】【最港電影大獎 黃百鳴系列之2 捧紅導演】黃百鳴從影以來最具代表性的電影，一定是《開心鬼》系列，他集出品人、監製、編劇、主演於一身。《開心鬼》是當年新藝城最賣座電影，擔任導演的高志森編劇出身，未拍過戲，所以取得極佳票房後，足夠他買樓娶老婆，黃百鳴說：「高志森分紅分5%，都分咗50幾萬！」
扮醉流眼淚
接着高志森拍的《開心鬼放暑假》同樣大賣，黃百鳴正想添食時，卻被對方飛起，他回憶說：「慶功宴時，高志森特登飲醉酒，喺我面前流住兩行眼淚話對我唔住。佢話我走喇，我要去德寶，我話德寶畀幾多錢人工你呀？佢一噏個數，嘩！係新藝城嘅十幾倍，我即刻同佢握手，恭喜你恭喜你。」
林嶺東彈起
高志森離去，造就另一人上位。黃百鳴想到找無綫的杜琪峯幫手：「佢都冇信心，我話唔怕，你嚟新藝城成班人幫拖，徐克幫我搞特技，林嶺東幫我拍飛車。」結果《開心鬼撞鬼》又大賣，杜琪峯之後留在新藝城拍了替周潤發贏影帝的《阿郎的故事》。
當年新藝城導演沒有改劇本權和剪片權，那時曾拍《跳灰》的導演梁普智，拍攝《陰陽錯》時改劇本被炒，又間接令另一導演冒起，黃百鳴說：「啱啱呢個時候有個年輕人去咗美國讀電影，想返嚟做導演，徐克就話你去奮鬥房聽吓我哋度橋先啦！」最後這名年輕人臨危受命執導《陰陽錯》大賣，他正是林嶺東。
採訪：陳月媚
由《蘋果動新聞》和娛樂版舉辦的「最港電影大獎」現正接受讀者投票，選出心目中的最「港」之選，包括最港電影、最港男、女演員等，截止日期為2月21日。賽果將於《蘋果動新聞》和娛樂版揭曉。
「最港電影大獎」投票網址http://bit.ly/thekongestfilmawards
扮醉流眼淚
接着高志森拍的《開心鬼放暑假》同樣大賣，黃百鳴正想添食時，卻被對方飛起，他回憶說：「慶功宴時，高志森特登飲醉酒，喺我面前流住兩行眼淚話對我唔住。佢話我走喇，我要去德寶，我話德寶畀幾多錢人工你呀？佢一噏個數，嘩！係新藝城嘅十幾倍，我即刻同佢握手，恭喜你恭喜你。」
林嶺東彈起
高志森離去，造就另一人上位。黃百鳴想到找無綫的杜琪峯幫手：「佢都冇信心，我話唔怕，你嚟新藝城成班人幫拖，徐克幫我搞特技，林嶺東幫我拍飛車。」結果《開心鬼撞鬼》又大賣，杜琪峯之後留在新藝城拍了替周潤發贏影帝的《阿郎的故事》。
當年新藝城導演沒有改劇本權和剪片權，那時曾拍《跳灰》的導演梁普智，拍攝《陰陽錯》時改劇本被炒，又間接令另一導演冒起，黃百鳴說：「啱啱呢個時候有個年輕人去咗美國讀電影，想返嚟做導演，徐克就話你去奮鬥房聽吓我哋度橋先啦！」最後這名年輕人臨危受命執導《陰陽錯》大賣，他正是林嶺東。
採訪：陳月媚
由《蘋果動新聞》和娛樂版舉辦的「最港電影大獎」現正接受讀者投票，選出心目中的最「港」之選，包括最港電影、最港男、女演員等，截止日期為2月21日。賽果將於《蘋果動新聞》和娛樂版揭曉。
「最港電影大獎」投票網址http://bit.ly/thekongestfilmawards
回應 (0)
