恐龍仔Barney扮演者轉行做「性治療師」聲稱性交解放力量

【蘋果日報】著名兒童節目《Barney& Friends》一直都好受小朋友歡迎，但恐龍仔Barney扮演者David Joyner嘅新職業就未必被家長接受。54歲嘅David Joyner於1991年至2001年扮演紫色恐龍仔Barney，但最近佢轉行成為按摩專家同「性治療師」，並聲稱自己可以透過性交幫客戶釋放能量，現時已有約30個全部都係女性嘅客戶。以往同過佢合作嘅演員同劇組都表示驚訝，不過David Joyner嘅不尋常治療法已被專家警告，一名加州大學洛杉磯分校教授Kimberly Resnick Anderson已指出其行為不當，亦有專家指客戶如俾錢換來性交，就已觸犯美國加州法例。