Yumiko輸身材彈開

【蘋果日報】鄭希怡（Yumiko）昨晚在中環四季酒店出席一個醫學美容晚宴，之前Yumiko聯同陳小春、應采兒及黃依汶（Emme）等一齊去旅行，Yumiko說：「返嚟就病咗，依家去旅行同小朋友一齊，攰過做嘢，因為成日擔心佢哋會點，例如去游水。睇住佢哋一齊玩好開心，哥哥照顧妹妹，四家人一齊去。」


其間一班人妻大晒噴血泳裝，Yumiko說：「我都唔想企喺Emme隔籬。」是不是身材被比下去？她說：「佢不嬲好好，不過下半身企埋一齊都OK㗎。」她又讚囡囡「梁浸浸」學識游水：「梁浸浸今次真係學識游水，要多謝佢爸爸，好有耐性咁教，之前畀救生衣佢着，依家自己可以戴手袖游，再去旅行都會係家庭式，之後計劃去雪地，畀佢哋感受吓。」


採訪、攝影：羅慧敏