【馮仁昭四圍超】田蕊妮出碟停拍劇

【蘋果日報】田蕊妮（中）、陳嘉寶、張振朗、莊思敏等，前晚喺尖沙嘴出席晚宴活動，陳嘉寶自認好有抽獎運，所以大會邀請佢嚟為賓客抽獎。佢又話依家傾緊電影、廣告工作，雖然工作好忙，但老公唔會投訴：「仲鼓勵我要努力保持最佳狀態，多謝佢咁體諒。」另外，田蕊妮話短期內都唔會接拍電視劇，今年主力做綜藝節目，兼會再出唱片：「今次唱片會做三首新歌，再加啲翻唱歌。」