新聞類別
娛樂
詳情#
【蘋果日報】郭富城噚日風騷現身觀塘apm出席「開心迎狗年」活動，圍觀人潮逼爆四層商場，城城自從當爸後成日都四萬咁口，仲忍唔住話想快啲生多個：「今年新年好唔一樣，好熱鬧。屋企添咗個小成員之後，我媽媽好開心，我都好開心。」快啲生多個？城城即笑晒開心話：「承你貴言。其實我好幸運，50歲生日嘅時候許咗個願，想組織家庭同埋有小朋友，依家都實現咗。至於再添多個人就要等個天安排。我覺得如果自己做好爸爸嘅榜樣，個天會知道，會畀你。」
收爐放年假
忙咗成年，城城出席完今個活動之後就收爐放年假：「今年做得好辛苦，所以要鬆一鬆。」不過佢3月中又要到紐約拍電影：「我會好用心工作，依家有咗家庭，工作能夠更加集中，推動力真係好大。我一定要做好榜樣畀個女睇，因為依家有個圓滿家庭，而且又得到屋企人體諒。」至於老婆方媛之前話坐月坐得唔好，搞到腰骨痛，城城話：「做咗爸爸，知道做媽媽好辛苦，大家都要體諒佢。」講到佢成日被影到同老婆行街買嘢，城城笑話：「佢都係買嘢畀媽咪、辦年貨。佢買咗18隻鞋即係9對。」
收爐放年假
忙咗成年，城城出席完今個活動之後就收爐放年假：「今年做得好辛苦，所以要鬆一鬆。」不過佢3月中又要到紐約拍電影：「我會好用心工作，依家有咗家庭，工作能夠更加集中，推動力真係好大。我一定要做好榜樣畀個女睇，因為依家有個圓滿家庭，而且又得到屋企人體諒。」至於老婆方媛之前話坐月坐得唔好，搞到腰骨痛，城城話：「做咗爸爸，知道做媽媽好辛苦，大家都要體諒佢。」講到佢成日被影到同老婆行街買嘢，城城笑話：「佢都係買嘢畀媽咪、辦年貨。佢買咗18隻鞋即係9對。」
回應 (0)
