新聞類別
財經
詳情#
【明報專訊】近日唔知算唔算叫「爛尾樓」嘅豪宅盤The Icon鬧到滿城風雨，連帶發展商榮豐國際（0063）都多咗人識。八卦嘅小琴即刻攞榮豐份2009年報來望望，想了解吓呢單奇情新聞背後嘅主角。
結果真係有驚人發現，就係呢間公司董事局入面有位98歲嘅董事，年紀僅次於電視廣播（0511）主席邵逸夫，同埋南洋集團（0212）高級常務董事王雲程，堪稱香港上市公司董事中最老三寶！
09年4月已辭任 仍為大股東
睇返榮豐09年度本年報，當日年屆98歲嘅非執行董事林義女士，其實係主席鍾斌銓嘅母親，林義另外幾位子女鍾金榜、鍾燊榮、鍾惠卿及鍾佩卿亦都榮豐出嘅高層。
數數手指，林義女士今年就踏入百歲，小琴即刻諗起美國總統奧巴馬引用我哋中國人名句「百年樹人」。不過，榮豐就喺林女士年齡步入3位數之時，爆出單咁「撻撻」嘅事端。雖然林女士09年4月已辭任公司董事，但仍然係公司大股東，希望佢唔好為呢件事操心，繼續享清福，麻煩事就留返畀仔女處理咯。
報料電郵﹕piano@mingpao.com
回應 (0)
