新聞類別
港聞
詳情#
【蘋果日報】【母親節快樂】在你心中，最佳男友需具備甚麼條件？坐車無時無刻都要挽着你的手？當你累極做家務時會叫你不要做？還是總不忘向你報告行蹤，甚至將每月收入悉數交給你保管？Vincent何榮新，就具備了以上條件。他是郭惠珍的唐氏綜合症兒子，也是她的最佳男友，由抱在懷裏的麵粉糰到三十而立；由兩歲幾仍軟癱在梳化不懂轉身，到成為舞團助教與媽媽拍檔翩翩起舞。六百分之一的機率，讓她遇上他，像命中注定，有眼淚有歡樂。這一天，聽着兒子咿咿呀呀的哼着《真的愛你》，嚷着要送給最愛的媽媽，眉開眼笑的郭惠珍說：有這個兒子，很快樂。
記者：呂麗嬋
攝影：何頴賢
明明是一個本應很悲的故事，59歲的郭惠珍，卻將它演繹得很溫暖。大抵遇強越強，從來是她的強項。倒帶回30年前生孩子那天與護士的對話，事隔多年，惠珍說依然記得清楚：「聽日要見醫生呀，惠珍。」「咩事？有事先要見醫生…」「係樣子嘅問題……」抱在懷裏的麵粉糰，細看扁口扁面，跟其他BB就是不一樣。只因30年前，唐氏綜合症還未正名，而是叫「蒙古症」。根據統計，平均每600個嬰孩中，就有一個是唐寶寶，郭惠珍遇上了，但她笑不出，只想哭。
「你閃閃縮縮，唔敢帶佢出去，更加咩都學唔到。」
「為何我不是那599個？」唐氏綜合症成因仍是個謎，是染色體出的問題。斜眼、扁鼻、肌肉張力差，手指短小及部份有癡肥傾向等，大部份是輕度或中度弱智。家族中從未有人患病，初為人母才28歲，未算高齡產婦，惠珍直言，滿腦子都是疑問，終日以淚洗面，帶兒子四出尋訪不同醫生，但每個醫生的答案也大同小異：食藥打針，都改變不了。「喊咗兩個月，但我知再難過，都要面對現實」。背着兒子去大口環兒童醫院輪候物理治療，等不及就去健康院叩門。
「兩歲幾，仍然坐唔穩，唔好話叫爸爸媽媽」。背着兒子東奔西跑，由住西邊街唐八樓搬到唐四樓再搬到堅尼地城：「貪呢度有(車立)，背住佢行咁多層，頂唔順」。儘管不富裕，可幸一家人都很齊心，做運輸的丈夫擔起家計，主內的她，就每天揹着不懂走路的兒子，到處參加訓練課程。別的父母望子成龍，她的願望卑微得多：「希望佢學識照顧自己。」只是那些年，香港人對唐寶寶還沒太多認識，走在街上，總有人指指點點。惠珍直言有時會感到很難受，但就從沒想過要躲起來。
「喺特殊學校識咗嗰嫲嫲，佢話每次有人望佢孫女，就會叫人唔好咁辛苦，叫個孫企定畀佢望。」聽罷，惠珍真的照辦煮碗。「有次我同阿仔等校巴，有個人追緊巴士都掛住望我哋，咁我就截停佢同佢講：『你一路跑一路望好危險，我叫個仔企定俾你望就好。』」結果是對方是滿面尷尬，然後落荒而逃。「你閃閃縮縮，唔敢帶佢出去，更加咩都學唔到」。外界的眼光難不倒她，孩子的未來，才令這個最強媽媽感到困擾，畢竟特殊學校只能讀到18歲，走出避風港後何去何從，是唐寶寶以至智障人士永恒的難題。「唔可以一世都坐喺屋企……」現實卻是庇護工場排長龍，出外就業更不易。
問題暫時解決不了，就先讓兒子參加做麵包的興趣班，最初以為只是玩玩吓，想不到乖仔很認真，後來更被選為學徒，有工返、有薪酬，但難題又來了。「工場之前喺黃竹坑，我哋住堅尼地城，以前冇地鐵，要轉小巴，又要落車行一段路」。為訓練兒子，惠珍足足花了三個月時間教兒子坐車，每日來回反覆練習；又另外花了三個月時間「陪太子返工」，兒子上班，她就一個人在香港仔流連等接放工，每日如是。「小巴要叫落車，我由佢自己叫，試過有次見到個司機明明聽到，但扮冇聽到，我嬲起上嚟先忍唔住開口……」
由不放心到半放心，惠珍說，知道始終有日要放手。「我知佢已經學識，由佢自己返，但其實有段時間，我仍然偷偷哋跟住佢尾，等佢上咗車，隔幾個人先上去，唔畀佢睇到我」。說起「跟蹤兒子」的往事，惠珍忍不住大笑。像小和尚走過18銅人學滿師下山，到今時今日，Vincent每次到達或離開工場，都識得自動波向她報告行蹤。「其實佢每月出嘅糧，都會全部畀晒我……」說起這個「具備最佳男友條件」的兒子，與愛兒牽着手的惠珍笑得特別甜。
「佢有時係好窩心，過農曆年前我跌親個頭，縫咗七針，有次我想掛窗簾，佢就喝住我叫我唔好做，等佢或者爸爸幫我做……」語言表達向來不是Vincent的強項，但你以為他不懂？其實他早看在眼裏。就在Vincent八歲那一年，時年37的惠珍再次懷孕，別人說她勇，她說其實怕得要死。「抽胎水化驗，結果要等三星期，姑娘話冇事就寄信通知結果，有事先打電話。」。那三星期度日如年，每次手機鈴聲響起，都如命運判決。「就是報告話冇問題，生完之後，我第一時間問姑娘有冇事，佢答我冇事，幾好，我先比較放心」。
「因為阿仔，我有好多得着，見識咗好多唔同嘅嘢。」
走過最艱難時間，兩兄弟都長大成人，次子今年22歲，開始有自己的生活，但惠珍與Vincent卻仍是日對夜對。工場由黃竹坑搬到屋企附近，每日中午Vincent準時回家吃午飯；星期三是每周唯一的假期，兒子參加現代舞班，在聖雅閣福群會旗下的心飛舞團任助教，惠珍與兒子就母子檔上陣。「最初係好唔自然，但跳跳吓，個心就放開咗」。這天，她和兒子跟隨舞團，到沙田大會堂參加「國際舞蹈日」的公開演出：「因為阿仔，我有好多得着，見識咗好多唔同嘅嘢。」穿上印上「快樂」兩字的舞衣，子唱母隨，惠珍感恩的說。
長青網 - 一站式長者及護老者生活資訊網站
記者：呂麗嬋
攝影：何頴賢
明明是一個本應很悲的故事，59歲的郭惠珍，卻將它演繹得很溫暖。大抵遇強越強，從來是她的強項。倒帶回30年前生孩子那天與護士的對話，事隔多年，惠珍說依然記得清楚：「聽日要見醫生呀，惠珍。」「咩事？有事先要見醫生…」「係樣子嘅問題……」抱在懷裏的麵粉糰，細看扁口扁面，跟其他BB就是不一樣。只因30年前，唐氏綜合症還未正名，而是叫「蒙古症」。根據統計，平均每600個嬰孩中，就有一個是唐寶寶，郭惠珍遇上了，但她笑不出，只想哭。
「你閃閃縮縮，唔敢帶佢出去，更加咩都學唔到。」
「為何我不是那599個？」唐氏綜合症成因仍是個謎，是染色體出的問題。斜眼、扁鼻、肌肉張力差，手指短小及部份有癡肥傾向等，大部份是輕度或中度弱智。家族中從未有人患病，初為人母才28歲，未算高齡產婦，惠珍直言，滿腦子都是疑問，終日以淚洗面，帶兒子四出尋訪不同醫生，但每個醫生的答案也大同小異：食藥打針，都改變不了。「喊咗兩個月，但我知再難過，都要面對現實」。背着兒子去大口環兒童醫院輪候物理治療，等不及就去健康院叩門。
「兩歲幾，仍然坐唔穩，唔好話叫爸爸媽媽」。背着兒子東奔西跑，由住西邊街唐八樓搬到唐四樓再搬到堅尼地城：「貪呢度有(車立)，背住佢行咁多層，頂唔順」。儘管不富裕，可幸一家人都很齊心，做運輸的丈夫擔起家計，主內的她，就每天揹着不懂走路的兒子，到處參加訓練課程。別的父母望子成龍，她的願望卑微得多：「希望佢學識照顧自己。」只是那些年，香港人對唐寶寶還沒太多認識，走在街上，總有人指指點點。惠珍直言有時會感到很難受，但就從沒想過要躲起來。
「喺特殊學校識咗嗰嫲嫲，佢話每次有人望佢孫女，就會叫人唔好咁辛苦，叫個孫企定畀佢望。」聽罷，惠珍真的照辦煮碗。「有次我同阿仔等校巴，有個人追緊巴士都掛住望我哋，咁我就截停佢同佢講：『你一路跑一路望好危險，我叫個仔企定俾你望就好。』」結果是對方是滿面尷尬，然後落荒而逃。「你閃閃縮縮，唔敢帶佢出去，更加咩都學唔到」。外界的眼光難不倒她，孩子的未來，才令這個最強媽媽感到困擾，畢竟特殊學校只能讀到18歲，走出避風港後何去何從，是唐寶寶以至智障人士永恒的難題。「唔可以一世都坐喺屋企……」現實卻是庇護工場排長龍，出外就業更不易。
問題暫時解決不了，就先讓兒子參加做麵包的興趣班，最初以為只是玩玩吓，想不到乖仔很認真，後來更被選為學徒，有工返、有薪酬，但難題又來了。「工場之前喺黃竹坑，我哋住堅尼地城，以前冇地鐵，要轉小巴，又要落車行一段路」。為訓練兒子，惠珍足足花了三個月時間教兒子坐車，每日來回反覆練習；又另外花了三個月時間「陪太子返工」，兒子上班，她就一個人在香港仔流連等接放工，每日如是。「小巴要叫落車，我由佢自己叫，試過有次見到個司機明明聽到，但扮冇聽到，我嬲起上嚟先忍唔住開口……」
由不放心到半放心，惠珍說，知道始終有日要放手。「我知佢已經學識，由佢自己返，但其實有段時間，我仍然偷偷哋跟住佢尾，等佢上咗車，隔幾個人先上去，唔畀佢睇到我」。說起「跟蹤兒子」的往事，惠珍忍不住大笑。像小和尚走過18銅人學滿師下山，到今時今日，Vincent每次到達或離開工場，都識得自動波向她報告行蹤。「其實佢每月出嘅糧，都會全部畀晒我……」說起這個「具備最佳男友條件」的兒子，與愛兒牽着手的惠珍笑得特別甜。
「佢有時係好窩心，過農曆年前我跌親個頭，縫咗七針，有次我想掛窗簾，佢就喝住我叫我唔好做，等佢或者爸爸幫我做……」語言表達向來不是Vincent的強項，但你以為他不懂？其實他早看在眼裏。就在Vincent八歲那一年，時年37的惠珍再次懷孕，別人說她勇，她說其實怕得要死。「抽胎水化驗，結果要等三星期，姑娘話冇事就寄信通知結果，有事先打電話。」。那三星期度日如年，每次手機鈴聲響起，都如命運判決。「就是報告話冇問題，生完之後，我第一時間問姑娘有冇事，佢答我冇事，幾好，我先比較放心」。
「因為阿仔，我有好多得着，見識咗好多唔同嘅嘢。」
走過最艱難時間，兩兄弟都長大成人，次子今年22歲，開始有自己的生活，但惠珍與Vincent卻仍是日對夜對。工場由黃竹坑搬到屋企附近，每日中午Vincent準時回家吃午飯；星期三是每周唯一的假期，兒子參加現代舞班，在聖雅閣福群會旗下的心飛舞團任助教，惠珍與兒子就母子檔上陣。「最初係好唔自然，但跳跳吓，個心就放開咗」。這天，她和兒子跟隨舞團，到沙田大會堂參加「國際舞蹈日」的公開演出：「因為阿仔，我有好多得着，見識咗好多唔同嘅嘢。」穿上印上「快樂」兩字的舞衣，子唱母隨，惠珍感恩的說。
長青網 - 一站式長者及護老者生活資訊網站
回應 (0)
