買四仔因壓力大　上一樓一稱齋睇

【蘋果日報】三度成為風化案被告，張健華為了減壓，原來有其發洩方法。《蘋果》追蹤張健華逾半年，發現他除了到油麻地一酒店當洗碗工外，閒時最愛流連廟街。有次他返工前專程到廟街一趟，自稱僅餘1%視力的他在排檔內巷穿梭自如，即使人群不斷，甚至有工人在前方搬大鐵箱，他也輕易一一避開。其後他箭步走入「四仔」DVD舖，不但熟練地走到新貨架，全神貫注密密揀，又自如地走到對面的「本店推介靚爆燈」貨架找找心頭好，但終空手離開。
自言視力差的他，途經廟街多條窄巷，有不少性感「企街」妓女上前兜搭，又用手在他身上輕掃，但他未有幫襯，只逐一打量，看得津津有味。以為他不受引誘，不過三日後，他早上出庭後即急忙回家換過衣服，立即去廟街「覓食」。識途老馬的他目標明確走到一幢唐樓外，跟樓下打躉的疑似女馬伕聊了幾句後，便尾隨對方上二樓一個單位，一名身穿性感內衣的女子已在門口迎接，記者見他進內逗留約15分鐘後離開，然後再到酒店上班。
「冇晒女友 邊度發洩？」
對買鹹碟和召妓一事，張健華接受訪問時直認不諱：「我買過（鹹碟），因為壓力大，冇晒身邊所有女朋友。」他又自爆之前有不少女友，「多數係正常（人），有啲工作上認識、有啲做義工、有啲買嘢識到。」但捲入風化案後，女友們都離他而去，「老實講，都係靠呢啲嘢（鹹碟），你（記者）都係男人，我唔喺度發洩，去邊度發洩呢？」
至於「上一樓一」，他強調只是「齋睇」：「我冇叫雞，行過有人撩箒！」惟其後他終承認以往曾召妓，「好耐之前有，但依家只想望吓。」但因怕被對方屈錢，他自言最終不敢上門，只是看一看滿足好奇心。
■記者阮斌、張軍
長青網 - 一站式長者及護老者生活資訊網站