忌廉哥邂逅Duck哥

【明報專訊】黃色巨鴨Rubber Duck風頭一時無兩，尖沙嘴海運碼頭海旁日日擠滿市民同遊客，唔知係咪出於妒忌呢，本身雄霸尖東嘅短毛肥貓「忌廉哥」，原來偷偷地同Rubber Duck喺青衣船廠影咗輯沙龍鬥可愛。負責接洽兩隻當紅「動物」嘅海港城話，影相當日忌廉哥一見巨鴨即為之傾倒，仲因為掛住鴨而唔記得望鏡頭，結果足足影咗15分鐘，先見齊忌廉哥同巨鴨正面咋。


貓鴨本身好似九唔搭八，但忌廉哥同Rubber Duck竟然「一影如故」friend咗，Emily仲八到海港城本身預備咗一套鴨仔衫畀忌廉哥，等畫面影出嚟更靚更和諧，點知因為忌廉哥減肥未成功，只可以當係披肩咁用，當堂變咗失威肥貓。