周澄辭任《陽光時務》

【明報專訊】曾經喺「5區公投」參選嘅「社運女神」、學聯前秘書長周澄（Crystal），2010年畢業後去過菲律賓國際非牟利機構做嘢，上年加入《陽光時務週刊》做記者，呢排又去馬來西亞睇大選。Emily本來以為佢幫陽光時務直擊大選戰况，但原來佢去大馬前已經辭咗職，家幫緊Emily國際版同事做大選特約記者。


Crystal上年7月先加盟《陽光時務週刊》，做國際同文化版，佢同Emily講，入職至今好多編輯部同事都相繼離開，形容家正值人事變動，經歷緊第二波大地震，而今次馬來西亞大選採訪，同陽光時務喺計劃上亦有分歧，所以兩星期前去大馬時已經辭咗職，今日返港。


仲想繼續做傳媒

至於傳媒界會唔會因此無咗個靚女？Crystal就話佢雖然去向未定，但係仲想繼續做傳媒工作，咁就睇吓佢最終落戶邊度喇。