政府暑期筍工月入8500

【明報專訊】政府工一直被喻為鐵飯碗，連暑期工都係筍工，每年政府多個部門都會請大學生做暑期工，過去月入大概有7000幾蚊。唔知係咪政府因應通脹，今年暑期工月薪高達8500蚊，工作期係6月中至8月中，呢個價錢相信都冠絕其他行業嘅暑期工薪金，估計會吸引大量大學生申請。


喺公務員事務局網站可見，律政司、發展局、效率促進組等多個部門都請暑期工，律政司請嘅當然要求學生係讀法律啦！至於發展局就有樹木辦及相關部門請人，學生唔需要剪樹，只係留喺政府總部返工，負責樹木管理工作。至於效率促進組就請暑期工處理公眾電話同電郵查詢。


樹木辦請人喺政總管樹

近期新聞多多嘅海事處，亦有多個組別請暑假實習生，好似海港巡邏組將會請5人，協助修改海港巡邏組嘅內聯網、檢查個人電腦及軟件清單等。