王丹遙距看學生

【明報專訊】華人民主書院噚晚喺沙田恒生管理學院搞咗個「重回六四現場」講座，仲安排六四學運領袖王丹（右方屏幕上）同學生視像對話。有同學問王丹仲愛唔愛中國，佢話依然咁愛，若果唔係就唔會一直咁關心內地民主發展。至於當年學生犧牲值唔值，王丹就話民主運動漫長，未必可以短時間見到大改變，不過近年內地民間抗爭咁廣泛頻繁，都係六四種下嘅因。另外，採訪過六四嘅香港記者蔡淑芳都有到場，王丹話「一次採訪，改寫了記者的一生」，仲話若果有人將呢個故事拍成電影，從一個人嘅故事去睇番一段歷史嘅巨大影響，「那應當是可以獲得奧斯卡獎的電影劇本」。


（林俊源攝）