徙置區展覽 看洞穴寮居

【明報專訊】港人最關心住屋問題，Emily噚日見到歷史檔案館今日起舉行「同一屋簷下﹕1950年代香港的徙置工作」展覽，當中有唔少珍貴圖片，畀大家一睹1950年代基層住屋面貌。「同一屋簷下」展出約60件展品和圖像，介紹寮屋及徙置區歷史，當中有喺洞穴同樹上嘅寮屋相，以及最早期嘅石硤尾、李鄭屋、樂富同黃大仙徙置屋邨（又稱徙置區）相片。


1950年代舊相辦公時間開放

展覽中，有分析石硤尾大火起因嘅文件和火災範圍圖、寮屋人口統計數字、徙置邨同平房區位置圖等；同時以圖示形式介紹寮屋家庭搬往徙置區嘅流程，以及徙置區基本設施等。有興趣朋友可以喺辦公時間，到觀塘翠屏道13號香港歷史檔案大樓1樓參觀，或瀏覽檔案處專設網頁（www.grs.gov.hk），「圖片廊」按不同地區收錄140多幅寮屋和徙置區歷史照片，大部分首次開放展出。