董建華兒子 1200萬花紅落袋

【明報專訊】東方海外（0316）去年盈利創新高，董事嘅花紅都水漲船高，其中前特首董建華嘅兒子董立新，花紅由2009年嘅34萬元，急升到去年嘅1199萬元，大增34倍，遠遠拋離其他董事，相信同集團舊年出售東方海外發展（中國）有限公司有關。

東方海外發展（中國）係東方海外嘅全資公司，董立新擔任董事總經理。集團喺舊年1月，賣咗東方海外發展（中國）畀星洲嘅CapitaLand，進帳22億美元，扣除交易成本，為集團貢獻約10億美元。呢筆收入舊年正式入帳，亦因此令董立新嘅花紅大增，全年酬金漲至1429萬，是2009年的5倍以上。而集團董事中，獲得花紅嘅人唔多，去年只有鄒耀華同財務總裁Kenneth Gilbert Cambie，分別有153萬元同300萬元。

東方海外發展（中國）主要發展中國房地產開發業務，賣咗呢部分後，集團嘅地產得番美國嘅華爾街廣場，同北京東方廣場。早前集團投資公關沈志澄話，集團唔打算再投資物業，會主力做番好船務。