【俗語大解剖】老虎蟹

好快又中秋喇！波...

【俗語大解剖】老虎蟹

好快又中秋喇！波士大發慈悲請晒全公司同事食中午自助餐，有一位本來個日放假嘅同事知道咗之後，就同阿甲講句：「唔駛錢食自助餐，老虎蟹都到啦！」

相信老友們都會聽過老虎蟹呢句俗語，咁老虎蟹係乜嘢嚟？又有乜嘢意思呢？老虎蟹原稱咖啡蟹，係產自東南亞一帶嘅水產。响廣府話俗語當中老虎蟹通常有兩個意思，一個係用嚟形容啲人霸氣，好似老虎咁惡，又好似蟹咁打橫行，即係將老虎同蟹嘅特徵一次過講晒。

另一個意思就係有「一定要」、「點都要」嘅意思，同事所講嘅「老虎蟹都到」意思就係點都會到嘅意思。其實，呢個用法本身同老虎蟹無關，有一個法就係呢句俗語本身係嚟自「老虎」，意思係即使遇到老虎咁危險都要點點點，亦即係話下咗好大決心咁解。後嚟啲人講講下，就係加多個蟹字，就成為咗唔少人嘅慣常用語。

話時話，唔知餐自助餐，有無老虎蟹食(咖啡蟹))呢？