香港髮型師 - 上門義剪
香港髮型師Al...

香港髮型師 - 上門義剪
香港髮型師Alex早喺6年前就創辦咗髮型師義工組織「易剪義」，為安老院舍同特殊需要人士提供義剪服務，但最近就因為疫情而暫停咗院舍嘅義剪服務。由於仍然有好多行動不便嘅長者需要幫忙，社福機構或社工接獲長者求助後會轉介俾Alex，佢就會喺社工同長者親友嘅陪同下上門義剪。
每次上門義剪，Alex都會帶齊防疫四寶：搓手液、消毒酒精、全新髮袍同口罩，並且會徹底消毒，務求令長者感到安心。另外佢仲會自備十多個口罩贈予有需要嘅長者。Alex以一己之長為有需要長者剪髮，認真窩心又有型！