預防腦退化 – 數獨
人上咗年紀之後，點...

預防腦退化 – 數獨
人上咗年紀之後，點樣預防腦退化呢？除咗保持健康作息同均衡飲食外，當然唔少得腦力訓練啦！玩益智遊戲有助提升思考、注意力同推理能力，今日同大家介紹一款好玩嘅腦力訓練遊戲－數獨！
數獨係一種數字邏輯遊戲，一般由9x9個格仔組成，題面會提供部分數字，玩家就需要根據已知嘅數字，推理出空格內需要填寫嘅數字，直至橫豎每行都有1至9呢九個非重複嘅數字，就完成遊戲。數獨需要運用邏輯思維能力，係動腦兼培養專注力嘅好遊戲，男女老少都啱玩㗎！
宜家想玩數獨都好方便，各位老友記只需喺手機嘅應用程式中心搜尋「數獨」，就有各款免費嘅數獨遊戲可以下載嚟玩喇。呢排疫情仲係比較反覆，大家減少出門留喺屋企嘅時候不妨每日玩下，挑戰下自己！