室內或室外公眾地方必須佩戴口罩
根據食物...

室內或室外公眾地方必須佩戴口罩
根據食物及衞生局發出嘅《預防及控制疾病（佩戴口罩）規例），由2020年7月29日至8月4日期間，任何人進入或身處公眾地方（不論室內或室外）時必須一直佩戴口罩。任何人違反佩戴口罩嘅法例規定即屬違法，一經定罪將被定額罰款港幣2,000元，而最高可判處二級罰款（港幣5,000元）。
各位老友記，無論係落街去商舖買嘢，又或者乘搭公共交通工具，記得任何時候喺室內室外公眾地方都要戴住口罩呀，就算係做運動同吸煙都冇豁免㗎，大家要留意啦！記住如非必要，大家都盡量留家抗疫啦！