職場上點樣同老細提辭職係打工仔其中一大課...

職場上點樣同老細提辭職係打工仔其中一大課題。據南韓《中央日報》報道，一名打工仔於7月2日至8月20日期間在南韓一間餐廳返工，在8月21日凌晨向老細發信息表示請辭，並要求老細支付未支付嘅月薪外，仲計清楚未足月嘅工資。老細收到信息後認為員工突然辭職令佢無辦法即刻搵到可以替代嘅員工，影響餐廳營運，雙方發生口角。
最終老細允許員工嘅請辭，但要求對方必須親自返餐廳領取其工資。打工仔返到餐廳領工資時，竟然發現老細將130萬韓元（約$8500港幣）工資全部換成100同500韓元嘅硬幣，並以數個麻袋裝好，並覺得老細當住其他員工面前以硬幣向其支付工資，令佢感到受辱，認為即使拎唔到應有嘅工資都希望老細可以因此舉而受到懲罰。