泰國野生象闖民居「爆牆」搵食 屋主「幾乎

泰國野生象闖民居「爆牆」搵食 屋主「幾乎日日都嚟」

泰國不時都會傳出有野生大象闖入民居，好多居民都習以為常，但估唔到華欣有隻野生大象竟然狼到撞破居民嘅廚房牆壁，成個頭伸入廚房搵食！

跟據外媒報道，屋主一家於20日凌晨兩點幾，聽到廚房發出物品掉落嘅聲音，於是起身睇睇竟發現一隻野象撞破廚房牆壁，成個頭伸入廚房，並用長鼻深入櫃子裡面搵食；屋主指呢隻象幾乎每日都會嚟搵食，已經盡量將食物密封好，避免食物味道散發出來吸引大象前來，點知仍逃不過被「爆牆」嘅命運！

事後屋主係Facebook圖文片並茂地公開大象嘅行為，網民紛紛留言表示，「睇相以為係假嘅！」而泰國國家公園、野生動物和植物保護廳則表示，已派員前往受害民眾家中慰問，並會協助居民進行情況的預防與改善。