65歲更換長者八達通
好多老友記都知道，...

65歲更換長者八達通
好多老友記都知道，年滿65歲就可以開始享有兩蚊搭車優惠。八達通卡公司為咗方便大家，特別推出新政策，年滿65歲嘅客戶，只需到港鐵站或港鐵商場內嘅八達通服務站，就可以免費將「不記名租用版成人八達通」即時更換成為長者八達通，以享用政府長者公共交通票價優惠。
本身已經喺舊八達通登記嘅大部分服務同優惠都會自動轉落去新卡，例如八達通日日賞、自動增值服務同屋苑門禁系統等，唔使再重新登記過。不過要留意，停車場時租或月租服務、港鐵泊車轉乘計劃就未能自動轉移至新卡，大家就需要自己再處理。有需要更換長者八達通嘅朋友記得留意喇！
如果本身係「個人成人八達通」用戶，八達通卡公司就會根據你嘅年齡記錄，喺你滿65歲生日當日自動調整車費，無需額外更換長者八達通㗎。