美職球隊國際邁亞密正式宣布簽入蘇亞雷斯，

美職球隊國際邁亞密正式宣布簽入蘇亞雷斯，呢位36歲烏拉圭射手將會同阿根廷球王美斯再度合作，組成夢幻鋒線，有望一齊喺明年2月4日訪港獻技。

蘇亞雷斯早前以自由身離開巴甲球隊甘美奧之後，已經盛傳佢將會加盟國際邁亞密，呢支北美豪門依家正式公布「哨牙蘇」來投，並為佢做專訪，蘇亞雷斯話：「我好開心可以加盟國際邁亞密，迎接新挑戰，已經急不及待想上陣，並準備好為球隊奪得更多冠軍，我好有信心做得到，希望盡快同教練及隊友見面，同埋為球迷帶來觀樂。」據悉蘇亞雷斯同國際邁亞密簽1年合約，並可以選擇續約1年，獲得9號球衣。

香港球迷有福，將有機會欣賞這位充滿娛樂性球員在場上表演