任何地方一旦成功被列入為世遺，一定即時令

任何地方一旦成功被列入為世遺，一定即時令該地區升價十倍，遊客數目急增，因此唔少景點都希望申請入世遺。日本目前就希望把「奄美大島、德之島、沖繩島北部及西表島」合併申請入遺，並已向聯合國入紙。其中奄美大島擁有獨特自然生態環境，其中更有著兩種獨有動物品種，分別為「琉球兔」及「琉璃鼠」，正正係入遺嘅殺手鐧。
不過島上卻因為有大量野貓，而貓貓經常捕獵呢兩種動物，當局有見及此惟有向野貓落手，至今已經撲殺約3千多隻！其實古時候奄美大島居民因為怕有蛇患，於是引入小貓去殺蛇，所以貓咪其實都係人類自行引入，目前為咗申遺就要殺害同樣係「當地居民」嘅貓貓，難怪引起唔少反對聲音！