日本地大物博，動物品種多的是，但日本一名

日本地大物博，動物品種多的是，但日本一名網友係福島縣岩瀨區附近嘅建築工地過馬路時，見到一隻外表激似熊，身體卻好似狗嘅奇特生物，於是就舉機影呢隻奇特生物。眼見有人舉機，牠卻露出猙獰嘅樣子，甚至朝住網友方向前行，嚇得事主急急腳離開。

事後網友將照片上傳至Twitter，引起不少網友熱議，有人認為係「一隻好瘦嘅熊」，亦有人問網友「點解重可以影埋相先走？」對此福島縣動物福利中心表示「可能係一隻流浪狗，由於野生動物都很兇猛，所以建議大家應遠離牠們。」而日本黑熊研究所所長武田和彥係接受日媒訪問時表示：「呢張照片非常有趣，佢耳朵雖好大，但因為肩膀和手臂都很幼，所以估計照片中嘅生物應該係狗！ 」幸好正因為大家鬧得熱烘烘，奇特生物嘅主人終於搵返失散嘅愛寵，亦證實佢係一隻狗！如今狗狗已返到主人身邊，重拾返安心嘅表情！