沖繩「大東島」外島用吊機將人吊上岸，非常

沖繩「大東島」外島用吊機將人吊上岸，非常獨特。

日本沖繩有好多外島，唔少外島因為位處淺灘未必可以坐大船上岸，最常見係坐郵輪到附近，再轉乘接駁小艇上島。不過沖繩有一個小島就非常特別，日前有一位日本網民前往一個名為「大東島」外島時，坐接駁小艇去到島附近，然後竟然由島上一座吊機直接吊起小艇上陸地！
而且唔單止小艇，有人會坐可運載汽車嘅郵輪前往，吊機可以直接將汽車吊入島上，方便快捷，另外網民又見到有人直接乘坐遊艇都可以同樣吊上島。有航運業界人士話大東島由於四面都有石礁，根本難以靠岸，所以船隻只能停於4至6米外再用吊機吊上島，如此做法原來已經有50年歷史之久。如果大家只係乘坐船家小船前往，大東島仲會提供一個密封嘅房間供遊人乘坐上島呢！