日本好多便當店，顧名思義就係自家製午餐便

日本好多便當店，顧名思義就係自家製午餐便當供客人外賣食用，要突圍而出除咗食物本身質素之外，亦要有少少Gimmick！近日位於東京代代木一間便當店就突然爆紅，並唔係佢推出咩全新食材，而係佢利用大學名作為便當名稱！

其實呢間便當店「しょうが亭」開業已經40年，當年代代木周邊有大量補習社，有唔少高中考生都會買便當，店主就將便當店改為「東京大學」、「明治大學」等名校，令考生可以挑選自己心儀大學，食「東大」入「東大」。發展至今有唔少顧客要求希望有其他各間大學嘅便當，其中唔單止係考生，更有唔少係畢業生，表示希望食到「母校的味道」。面對一眾要求老闆都永不Say No，所以幾乎全日本大學便當都齊全，當然名稱同便當食材並無特別關係，不過單單呢樣Gimmick已經夠便當店變紅呢！