榨薑汁加水更出味

薑汁除了可以做甜品，亦可用來炒菜、煎魚，不但可驅寒，亦可辟腥，黎師傅教大家不妨做定一樽薑汁，放入雪櫃，炒餸時可以落少許。刨薑汁最好用老薑，因為味道較濃郁、辛辣，用刨刨成薑茸之後，每 10克薑茸，加入 10毫升清水，即 1:1份量，浸泡 10分鐘，然後放入魚袋，或者用笊籬，將薑汁壓出，而用剩的薑茸更可留來做伴雞食的薑葱茸。如果用薑汁來做甜品，就要即榨即用，因為薑汁放得久了，會變成灰黑色，影響食物外觀。

1.磨薑茸

2.隔渣取汁

3.薑汁

資料來源︰蘋果日報2010年4月28日