工黨幫阿基？ 何秀蘭：激死

【明報專訊】早前有報道話，參選超級議席嘅民協馮檢基獲工黨「個別人士」力挺。呢個消息有啲震撼，事關民協同工黨喺政改同派錢等立場上南轅北轍。Emily噚日向工黨副主席何秀蘭（Cyd）求證，甫開口，阿Cyd已大呼「激死」。


佢話工黨兩個月前已喺飯盒會表明，除非泛民全體協調，否則工黨唔會幫個別人士出戰超級議席，當時阿基都在場咁話。阿Cyd 又批評「有人」監人賴後，話若工黨真係有「個別人士」撐阿基，應該「開佢名」，而唔係開工黨個名。


何秀蘭係立會選舉港島區候選人，其他候選人仲有葉劉淑儀、單仲偕、曾鈺成、陳家洛、劉嘉鴻、王國興、劉健儀、勞永樂、鍾樹根、吳文遠、許清安、何家泰同吳榮春。超級議席候選人仲有何俊仁、涂謹申、劉江華、李慧琼、陳婉嫻同白韻琹。