社署前大哥跳槽樂施會

【明報專訊】Emily同事之前提過社會福利署前署長余志穩（Fisher，圖）會過檔樂施會做總裁，噚日樂施會董事會主席盧子健證實呢個消息，仲話Fisher會喺9月1日上任，上任初期由現任總裁施日莊（John Sayer）協助交接工作。


盧主席喺聲明大讚Fisher有豐富公共服務經驗，離開政府後，喺多個非政府組織同大學做義工，對香港同各地弱勢社群面對嘅問題有深入了解，相信佢可以帶領同事實現「無窮世界」嘅理想。


Fisher退休後曾經做過融樂會董事會副主席，同埋理大活齡學院客席教授等。