毛孟靜獲王丹拍片撐

【明報專訊】公民黨毛孟靜（Ms Mo）今屆捲土重來參選九西，噚日同記者茶敘，帶咗個20歲嘅年輕人，叫黃俊傑（Seaman），4年前已經幫手助選，跟住去台灣讀大學，仲拉線搵八九學運領袖王丹自拍一段片撐Ms Mo。
台灣港生助拉線
Seaman話，2009年曾經去中聯辦外絕食，兩年前去台大讀哲學同歷史。佢話好早已經喺facebook識王丹，想喺台灣搞六四晚會，就搵王丹幫手，仲做埋朋友。今年暑假Seaman本來諗住去俄羅斯旅行，不過Ms Mo開口叫佢幫手，所以就返香港助選。佢仲喺上個禮拜日（12日）搵王丹，叫佢用手機自拍段片，話Ms Mo「一路走來，始終如一」，兩日之後畀個驚喜Ms Mo。
九西其他名單有黃碧雲、譚國僑、蔣麗芸、黃毓民、梁美芬、林依麗、黃以謙同黃逸旭。