林瘋牛一食波慶祝

【明報專訊】前晚抵港嘅美籍華裔籃球明星「林瘋」林書豪，噚日喺香港度過24歲生日，有份接待佢嘅新世界集團，特別為佢準備咗一個籃球造型蛋糕，慶祝呢位籃球小子牛一。林書豪就好勤力，生日亦不忘訓練，昨日如常去籃球場練習同進行器械訓練，晚上就同家人一齊慶祝。


今午K11現身會球迷

林書豪今次訪港，行程頗為神秘，只會出席新世界集團一個活動以及星期日嘅教會佈道會。今日下晝3點，林書豪將會到尖沙嘴K11商場，為新世界集團主辦嘅「飛躍新世界」計劃舉行啟動禮，會同超過100個來自基層嘅中小學生交流，分享自己喺NBA嘅逐夢經驗，周日佢就會參加基督教佈道會，呢場門票早已派罄，所以想近距離親睹「林瘋」風采嘅粉絲，要好好把握今日嘅機會啦。