新聞類別
港聞
詳情#
【明報專訊】Emily奉勸各位政界人士，得閒真係要練吓歌，特別係《真心英雄》！
同金牌選手合唱《真心英雄》
倫敦奧運之後，Emily發現香港嘅勵志歌曲真係好唔夠，每次有運動員出席公開活動，唱歌環節幾乎清一色都係合唱《真心英雄》（原唱周華健、黃耀明、李宗盛、成龍）。前日下晝大球場舉行金牌運動員大匯演，演出尾聲由特首梁振英（CY）伉儷、一班中港官員同兩地運動員大合唱，曲目又係《真心英雄》，但當中只有CY一個人有揸咪，變成由佢領唱。
全場得佢揸咪
事後回看，畀咪CY嗰位仁兄真係「大整蠱」喇，皆因CY全程幾乎無個音唱得準，拍子又跟錯，句與句之間聽到佢嘅歌聲，效果確係得人驚。呢條片段噚日喺facebook同YouTube流傳，有網民發現CY「得最尾『流動』兩個字唱啱」，又有人話如果佢係節目監製，一定會「mute」（滅聲）咗支咪咁話。
雖然被網民瘋狂「柴台」，但Emily都好同情CY，事關早前都有報道引述CY話自己「乜歌都唔識唱」，只係識唱紅歌《我的祖國》同抗日歌曲《松花江上》。Emily就奉勸CY，做得特首，將來實有大把機會一展歌喉，今日起就的起心肝練好首《真心英雄》，再唔係請前食衛局長周一嶽教路，Emily估佢實唔會托手踭。想重溫梁振英歌喉，可以上YouTube鍵入「梁振英的歌喉...」找尋。
同金牌選手合唱《真心英雄》
倫敦奧運之後，Emily發現香港嘅勵志歌曲真係好唔夠，每次有運動員出席公開活動，唱歌環節幾乎清一色都係合唱《真心英雄》（原唱周華健、黃耀明、李宗盛、成龍）。前日下晝大球場舉行金牌運動員大匯演，演出尾聲由特首梁振英（CY）伉儷、一班中港官員同兩地運動員大合唱，曲目又係《真心英雄》，但當中只有CY一個人有揸咪，變成由佢領唱。
全場得佢揸咪
事後回看，畀咪CY嗰位仁兄真係「大整蠱」喇，皆因CY全程幾乎無個音唱得準，拍子又跟錯，句與句之間聽到佢嘅歌聲，效果確係得人驚。呢條片段噚日喺facebook同YouTube流傳，有網民發現CY「得最尾『流動』兩個字唱啱」，又有人話如果佢係節目監製，一定會「mute」（滅聲）咗支咪咁話。
雖然被網民瘋狂「柴台」，但Emily都好同情CY，事關早前都有報道引述CY話自己「乜歌都唔識唱」，只係識唱紅歌《我的祖國》同抗日歌曲《松花江上》。Emily就奉勸CY，做得特首，將來實有大把機會一展歌喉，今日起就的起心肝練好首《真心英雄》，再唔係請前食衛局長周一嶽教路，Emily估佢實唔會托手踭。想重溫梁振英歌喉，可以上YouTube鍵入「梁振英的歌喉...」找尋。
回應 (0)
