胡志偉盆菜宴「愛拼才會贏」

【明報專訊】九龍東立法會候選人民主黨胡志偉噚晚喺黃大仙竹園北邨，出席免費招待長者嘅盆菜宴。被問到出席盆菜宴會否惹來賄選之嫌，胡志偉強調，只係應區議會邀請出席，事前唔知道盆菜宴免費招待長者，而佢席間亦沒有拉票，亦無提及選舉。


稱無拉票 不涉賄選

「竹園北邨盂蘭勝會」噚晚舉辦「竹園北邨壬辰年千歲宴」，喺邨內球場筵開20多席盆菜宴，65歲或以上長者免費招待。


節目由黃大仙區議會贊助，本身係該區區議員嘅胡志偉都有出席，更即席上台高歌《愛拼才會贏》，逗留約15至20分鐘後離開。


謝偉俊缺席﹕不知獲邀

現場接待處亦放咗印有同係九東候選人謝偉俊嘅嘉賓名牌，但謝最終無出席。謝偉俊話，唔知道自己獲邀，會向助手了解。


九東其他候選人名單包括梁家傑、陳鑑林、黃國健、陶君行、黃洋達、譚香文、嚴鳳至。