馬錦華平安鐘揚威海外

【明報專訊】今年初卸任長者安居協會總幹事嘅馬錦華，最近有新搞作，不過，念舊嘅佢唔係跳槽，而喺留番喺協會退居二線，做高級項目顧問。長者安居協會嘅一線通平安鐘多年嚟深入民心，係馬先生嘅心血結晶，佢嘅新工作，就係教海外社福機構建設平安鐘系統。


留在協會做顧問

咪以為「平安鐘」真係裝個鐘就掂，馬先生同Emily講，其實要做得好，點樣連結醫護部門、建立網絡都相當複雜。佢話，家內地唔少省市都想做呢項服務，好似上海、廣州，連澳門都已經喺佢哋幫助下建設咗平安鐘服務。


佢話，卸任總幹事後時間多咗，會做多啲支援社企，幫手訓練，仲話家係離開棵樹去服務個森林。


馬先生一向搞作多，又係中策組成員，仲係安老事務委員會，要分身幫十幾個不同團體。Emily擔心佢會唔會分身不暇，但佢就拍心口話協會工作最重要，只要協會打個電話，佢一定隨傳隨到！