新聞類別
財經
詳情#
【明報專訊】福和（0923）太子爺梁定宇因為有小三而要同前妻張雅麗離婚。小琴喺財經評論員David Webb嘅網站搵到法院裁判文件，原來梁定宇每個月要畀17.4萬蚊前妻同個仔作為贍養費。文件仲話，梁定宇2011年辭咗福和嘅職務，無啦啦走去大學讀音樂同哲學，自己無正職收入，每個月竟然使足8.2萬蚊，難怪佢前妻開出嘅贍養費「餐單」，單係個仔每個月嘅使費，已經要8萬幾蚊啦。
舊年台灣媒體爆出梁定宇同台灣東森主播韓佩穎熱戀，當時梁定宇回應媒體，話同太太早已分居1年多。法院文件就話，張雅麗喺舊年6月發現咗呢段戀情之後，梁定宇8月先至搬離住所，去同阿媽一齊住。
臨時贍養費僅2.8萬 法官批不合理
法官喺文件中又話，梁定宇解釋唔到，作為一個學生，佢每個月仲可以使8.2萬，仲可以揸住架過百萬嘅保時捷，仲可以為自己開一個花費13萬嘅生日party，而呢一年來畀前妻同個囝嘅臨時贍養費，只有每月2.8萬元，實在太唔合理。
法官仲話，鑑於梁定宇媽媽有成6億身家畀個仔慢慢用，梁定宇自己仲擁有一間叫E&I的收租公司五成股權，所以相信佢可以承擔每月17.4萬蚊贍養費。
條數點計出嚟？前妻每個月買衫裝身，盛惠2萬；剪頭髮同買化妝品另計又8000；間屋嘅按揭又2萬；個仔嘅課外活動2.6萬；連乾糧零食都盛惠1.7萬。無計啦，佢喺出面玩得咁開心，小琴都撐佢前妻，慢慢同佢逐樣計！
email:piano@mingpao.com
舊年台灣媒體爆出梁定宇同台灣東森主播韓佩穎熱戀，當時梁定宇回應媒體，話同太太早已分居1年多。法院文件就話，張雅麗喺舊年6月發現咗呢段戀情之後，梁定宇8月先至搬離住所，去同阿媽一齊住。
臨時贍養費僅2.8萬 法官批不合理
法官喺文件中又話，梁定宇解釋唔到，作為一個學生，佢每個月仲可以使8.2萬，仲可以揸住架過百萬嘅保時捷，仲可以為自己開一個花費13萬嘅生日party，而呢一年來畀前妻同個囝嘅臨時贍養費，只有每月2.8萬元，實在太唔合理。
法官仲話，鑑於梁定宇媽媽有成6億身家畀個仔慢慢用，梁定宇自己仲擁有一間叫E&I的收租公司五成股權，所以相信佢可以承擔每月17.4萬蚊贍養費。
條數點計出嚟？前妻每個月買衫裝身，盛惠2萬；剪頭髮同買化妝品另計又8000；間屋嘅按揭又2萬；個仔嘅課外活動2.6萬；連乾糧零食都盛惠1.7萬。無計啦，佢喺出面玩得咁開心，小琴都撐佢前妻，慢慢同佢逐樣計！
email:piano@mingpao.com
回應 (0)
