九哥獲胡佳拍片助戰

【明報專訊】民主黨喺新界東分拆3張名單參選，如意算盤當然係攞足3席啦，但港大民調顯示，黃成智同蔡耀昌（九哥）支持度持續低迷，民主黨喺新東分分鐘只能夠靠劉慧卿攞到一席。家進入選舉最後直路，Emily聽到有人問，民主黨會唔會打「棄保」牌？如果決定棄保，支持度最低嘅九哥好可能成為「犧牲品」。但九哥好肯定咁同Emily講，黨從來無提出要棄保，佢仍有信心當選。


話民主黨無提過棄保

另外，身兼支聯會副主席嘅九哥，搵咗內地維權人士胡佳，同埋喺六四事件中遭坦克輾斷雙腳嘅民運人士方政出面支持，兩人仲自拍短片力撐九哥，短片會上載到YouTube同埋九哥嘅facebook競選專頁。新界東候選名單仲有湯家驊、梁國雄、陳克勤、田北俊、張超雄、葛珮帆、葉偉明、龐愛蘭、方國珊、陳志全、范國威、龐一鳴、邱榮光、陳國強、何民傑、梁安琪名單。