民建聯搞「票站」教投票

【明報專訊】Emily噚日經過油麻地，發現已經有「票站」出現！有兩個造型好逼真、分別代表地區直選嘅藍色票箱同代表超級議席嘅白色票箱，但細看兩張「選票」，竟然預先剔咗民建聯蔣麗芸同李慧琼嗰格，原來民建聯不單派傳單，仲出埋「票站」宣傳，教九西嘅選民投畀兩個候選人。其間有市民路過，街站義工就用張剔好咗民建聯人嘅選票，示範點樣投票。


Emily問假票站人員，咁樣搞會唔會誤導選民㗎，義工就話佢哋係民建聯嘅人，叫人投番民建聯候選人好理所當然咁話，指選民唔會咁易被誤導。


（尹錦恩攝）