拳王泰臣唔想打拳欲歌舞

【明報專訊】里昂證券一向多搞作，每年投資論壇都請來財經界以外嘅名人做嘉賓，今年就請到昔日重量級拳王泰臣，同1500名「賓架」、投資者分享佢嘅傳奇一生，呢位曾經的叱咤拳壇嘅拳王，噚日同一眾中外傳媒見面時，就堅決話自己唔會再打拳啦，反而想「唱歌跳舞、演音樂劇」。


當臉上繡着招牌紋身的泰臣步入會場，一眾行家隨即報以熱烈掌聲，泰臣就用唔太正宗嘅普通話講「謝謝」。泰臣退休後搞過服裝公司，家又喺一家電影製作公司CEO，小琴好奇佢同啲「賓架」、投資者分享理財理念或者生意經，佢就咁講「我不關心生意，我只關心我的榮耀，那是由鮮血、汗水同淚水換的榮耀，那是不能用金錢買來的。」不過，佢又補充話，多年嚟生意場上學到「相信你嘅決策能力、要請信託律師及信任你嘅合作伙伴，那就是我的妻子。」


「不關心生意 只關心榮耀」

泰臣拍過戲、又上過電視節目，最近又在紐約百老匯劇場有個人SHOW，大家都想知嚟位傳奇拳王的未來仲會有咩大計、仲會唔會出山打拳等，結果答案令小琴大吃一驚，「我唔想再傳播暴力，我想跳舞同唱歌，我想做歌舞音樂劇」。有人問到如果同香港武打巨星李小龍較量，邊個好打啲，佢就話自己好仰慕李小龍，「佢喺一個街頭戰士，他會戰鬥直到死亡……我不會跟李小龍打。」


email:piano@mingpao.com