綠城宋衛平唔買地 改耕田

【明報專訊】受到內地房地產調控影響而令自己間公司陷入經營困境嘅綠城（3900）主席宋衛平，響連續一輪賣資產同九倉（0004）入股等等救亡行動之後，總算走出困境，不過劫後餘生嘅宋衛平似乎亦因此對地產市場顯得意興闌珊，佢早排就話以後都唔會再買地，未來五年專注農業發展，唔做地產，改行耕田。


令到宋衛平有咁大改變，同公司響2008年同2009年決定擴張策略有關。佢耿耿於懷咁話，當年買地冇政府啲人話要調控，到佢用咗三四百億買地，先走出嚟要限購，覺得啲人都唔講信用。


覺得官員唔講信用

再講到呢兩年情况，宋衛平形容賣資產就好似賣仔，但唔賣，啲仔女就會餓死，佢仲決定以後都唔再買地，寧願公司愈做愈細，起保障房，做再建項目都唔再發展新地皮。


不過佢自己都講，手上啲地夠用5年，所以未來呢5年佢可以專心響農業發展，搞農場喎。