楊振寧90大壽中大提早慶祝

【明報專訊】第一個得到諾貝爾獎嘅華人楊振寧教授，下個月1日就係90歲生日，中文大學提早為佢慶祝大壽，除咗有祝壽晚宴，仲舉行咗一系列科普講座同埋學術研討會，包括由楊綱凱教授主講「希斯玻色子與楊米理論」，以及由4位中大教授同校友介紹楊振寧嘅成就。偉大科學家嘅生日，慶祝方法真係與別不同。


丈夫90大壽，楊太翁帆當然有現身，仲同楊教授一齊切蛋糕，中大校長沈祖堯親筆為楊教授送上「鶴壽」兩字，祝願老人家鶴壽千歲。