新聞類別
財經
詳情#
【明報專訊】星爺周星馳近年已經好少出現喺熒幕前，對上一次已經係《長江7號》，之後星爺甚至連做導演拍戲都少咗。相信星迷等佢嘅作品，應該等到頸都長埋。不過噚日有好消息公布。文化中國（1060）宣布，會用3800萬認購由星爺執導嘅新戲《除魔傳奇》嘅三成版權，仲透露而家套戲已經去到後期製作階段，出年農曆新年就會上，星迷可以望梅止渴先喇。
《除魔傳奇》卡士強勁
《除魔傳奇》除咗出動到星爺，卡士都相當唔惹小，有影帝影后黃渤同舒淇坐鎮，仲有新世代當紅演員文章同羅志祥。睇落似乎好收得喎，唔怪得之吸引到成幾千萬嘅戰略投資啦。唔止咁，文化中國仲同星爺簽咗份電影創作開發合作協議書，計劃喺未來7年，起碼可以製作5部電影，當中星爺一定要擔大旗，無論係做導演、編劇，甚至係主演都好。
7年要拍5套戲
不過呢位投資者都應該幾難服侍，除咗7年要拍5套戲之外，新聞稿仲話，希望「每一部作品都將能開創中國電影的里程碑。」一年製作一套影已經唔容易啦，仲要套套都開創里程碑。相信星爺即使出動「攞你命三千」，都未必應付得嚟喎。不過最開心嘅，無非係一班星迷。
星爺最近煩緊嘅嘢都幾多，除咗電影，仲有佢同紅顏知己于文鳳未打完嘅官司。俗務纏身，唔怪得之星爺最近股東會都唔見影啦。
email:piano@mingpao.com
《除魔傳奇》卡士強勁
《除魔傳奇》除咗出動到星爺，卡士都相當唔惹小，有影帝影后黃渤同舒淇坐鎮，仲有新世代當紅演員文章同羅志祥。睇落似乎好收得喎，唔怪得之吸引到成幾千萬嘅戰略投資啦。唔止咁，文化中國仲同星爺簽咗份電影創作開發合作協議書，計劃喺未來7年，起碼可以製作5部電影，當中星爺一定要擔大旗，無論係做導演、編劇，甚至係主演都好。
7年要拍5套戲
不過呢位投資者都應該幾難服侍，除咗7年要拍5套戲之外，新聞稿仲話，希望「每一部作品都將能開創中國電影的里程碑。」一年製作一套影已經唔容易啦，仲要套套都開創里程碑。相信星爺即使出動「攞你命三千」，都未必應付得嚟喎。不過最開心嘅，無非係一班星迷。
星爺最近煩緊嘅嘢都幾多，除咗電影，仲有佢同紅顏知己于文鳳未打完嘅官司。俗務纏身，唔怪得之星爺最近股東會都唔見影啦。
email:piano@mingpao.com
回應 (0)
