捐月餅 贈基層

【明報專訊】仲有10日就係中秋節，Emily相信大家都已經訂咗月餅應節，《明報》編輯部今年都收到好多朋友送嚟嘅月餅同果籃，藉呢個機會講聲多謝，一如以往，編輯部計劃將部分月餅轉贈，由志願機構轉贈弱勢社群。


救世軍嘅朋友噚日提出送月餅呼籲，救世軍話，今年希望能夠籌集1.5萬個月餅送畀貧苦大眾，但今年市民捐贈月餅嘅情况比往年遜色，到目前只係籌到1.2萬個，仲欠3000個先至夠數。如果你都唔想浪費月餅，可以喺下星期四（27日）或之前，將月餅送到救世軍全港33個收集站。想知道收集站地點，可以去到救世軍網站www.salvationarmy.org.hk或者致電熱線2783 2333查詢。