十大兩岸政治人物 兩代總理包辦冠亞

【明報專訊】香港大學民意研究計劃根據香港市民對兩岸政治人物嘅認知同支持度，統計出十大兩岸政治人物排名。2003年退休嘅前國務院總理朱鎔基魅力依然，高踞榜首；佢嘅繼任人、現任總理溫家寶就緊隨其後，排名第二。


調查喺今年9月開始，要求受訪者喺無提示之下，講出兩岸政治人物嘅姓名，最多人提名嘅政治人物就可以打入十大，之後再照受訪者對佢哋嘅評分，由高至低排名。


貪污阿扁評分包尾

第三至第十名依次係馬英九、胡錦濤、習近平、江澤民、連戰、宋楚瑜、李登輝、陳水扁。值得一提嘅係，前台灣總統陳水扁雖然因為多人認識而打入十大，但係佢貪污罪成入獄，形象插水，受訪者對佢嘅評分得18.2分（100分滿分），成包尾大幡；至於排首位嘅朱鎔基就有70.3分。