為員工打氣 星展高層親派雪糕

【明報專訊】齋睇呢幅相，大家會唔會估到，呢個「雪糕佬」嘅真正身分，係平時着得身光頸靚嘅banker？佢又係咪喺度幫銀行做緊宣傳？一次過開估啦，其實佢係星展香港零售銀行業務董事總經理兼豐盛理財及分行網絡業務主管鍾少權（Derek）。大家可能未見過佢，不過每次踏入靚靚嘅星展分行嘅時候，大家最好諗起佢喇，因為佢可以話係睇晒所有分行㗎。


咁佢又做咩會變咗雪糕佬呢？既然佢睇晒啲分行，當然就要答謝分行員工平日嘅辛勤付出啦，全港九咁多分行，Derek就諗到一條好橋，揸架雪糕車，走勻港九新界，派軟雪糕同埋雪糕蛋糕畀超過900個分行員工。睇落Derek唧雪糕又似模似樣喎。有個咁sweet嘅上司，相信分行員工未食雪糕，個心都甜晒啦。